Gaixotasun kronikoak dituztenek ez ezik, egoitzetako pertsonek, osasun langileek eta gainerako herritarrek ere izango dute txertatzeko aukera. Sagarduiren hitzetan, osasun langileei jada txertoa jartzen hasita daude; gainerako herritarrek, berriz, urriaren 31tik aurrera izango dute horretarako aukera. Guztira, 558.000 dosi dituztela esan du, iaz baino heren bat gehiago, eta bi milioi euroko inbertsioa egin dute. Txertaketa kanpainak sei asteko iraupena izango du, baina luzatzeko asmoa erakutsi dute, «hala behar izanez gero».
